notak ikasten

kaixo lagunok!!

Gaurkoan musika ikasten hasteko ezinbestekoa den pausu bat emango dugu; notak ikastea. Notarik gabe ezinezkoa da musika interpretatzen ikastea. Beraz, lan honi ekingo diogu aurrerago partiturak txirularekin interpretatu ahal izateko. Notak ikastea hizkuntza berri bat ikastea bezalakoa da eta hau ez da lan erraza, beraz, pixkanaka egin beharko dugu.

Lehenengo pausua izango da zazpi nota daudela esatea eta hauen ordena ikastea, do re mi fa sol la si. Behin ordena memorizatuta dutenean umeek, pentagramara joango gara. Bertan kokatzen hasiko gara eta hasieran ikasitako ordenean izendatuko ditugu. Horrela ikasleek pentagrama bat eraikiko dute eskalako zazpi notekin eta hurrengo egunerako memorizatzeko eskatuko diegu. Musikako klase bakoitzean birpasa bat egingo dugu noten izenen eta kokapenen inguruan, lehenengo egunetan ordenean galdetuko ditugu baina iaksten joan ahala era desordenatuan galdetuko dizkiegu.

Askotan umeentzat astuna da lan hau non kokatuta dauden eta ze izen duten memorizatzea. Ikasleak ez aspertzeko, joko baten bidez landu ahal ditugu notak. Teknologia berrien munduan murgildu nahi ditugunez, ordenagailuak erabiltzeko aprobetxatuko dugu, eta joko birtualaren bidezsakonduko dugu noten inguruan. (notak ikasteko jokoa)

Joko hau erabiliz eta ariketak eginez, pixkanaka notak barneratuz joango dira umeak eta lortuko dugu partitura bat ikusten dutenean irakurtzen jakitea.

Hurrengorarte!!

Amaia.